نیشنل بینک آف پاکستان میں سابق پولیس افسر کے اکاوئنٹ سے جعل سازی کے زریعے رقم نکالنے پر سابق منیجر نیشنل بینک گھوٹکی اور سابق ریجنل ہیڈ کے ناقابل ضمانت وارنٹ گرفتاری جاری کر دیے گئے۔
دونوں بینک عہدیداران کے خلاف مقدمہ درج کرنے کا حکم دیا گیا۔
خصوصی بینکنگ کورٹ کراچی نے سابق منیجر نیشنل بینک آف پاکستان گھوٹکی خادم حسین سومرو اور سابق ریجنل ہیڈ فاروق آرائیں کے ناقابل ضمانت وارنٹ گرفتاری جاری کئے ہیں۔
عدالت نے ضلع گھوٹکی میں قائم عادلپور پولیس اسٹیشن کو حکم دیا ہے کہ وہ ملزمان کو 27 نومبر تک گرفتار کر کے عدالت کے روبرو پیش کریں۔
عدالت نے دونوں افسران کے خلاف مقدمہ درج کرنے کا حکم دیا ہے ۔واضح رہے کہ سابق ایس ایس پی ظفر اللہ خان کی شکایت پر نیشنل بینک آف پاکستان کی انتظامیہ کے خلاف کارروائی شروع کی گئی ہے۔
